	Sign In Sign-Up

BANGALORE MIZO ASSOCIATION(BMA)

A. BANGALORE MIZO ASSOCIATION INKAIHHRUAINA DAN

PREAMBLE:

Kei ni Bangalore a mizo(chhinlung chhuak) awmte hi hmun hrang hrang atanga hnathawk tur leh thiam zir tura lo kal kan ni a.Bangalore a kan awm chhung hian kan hnathawh leh zirna apiangah kan hnam nun leh zia vawn zel a pawimawha,chumi kawnga hmahruaitu atan Bangalore mizo Association hi din a ni.

ARTICLE-I: Pawl Hming

Pawl hming atan chuan Bangalore Mizo Association ( a tawi zawngin BMA ) tih a ni ang.

ARTICLE-II: Pawl thil tumte

1. Bangalore a mizo awmte inkungkaihna leh inpumkhatna ti nung zel turin.
2. Mizo hnam nun mawi leh zia(culture) chhawm nung zel tur leh a tul anga infuih/inzilh tawn turin
3. Mizo hnam nunzia(culture) tih larna kawnga hmahruai turin.
4. Mizo zinga harsatna tawkte intanpuitawn tur leh chhiatni/thatni a inphungbawm turin.
5. Mizo ten kan tihtur theuh kan tihna kawnga a tha thei ang bera kan tih theihna tura kaihruai turin.

ARTICLE-III: Member nih dan leh membership/Annual fee

i. Member nih dan:

a. Bangalore a mizo awm tawh phawt chu member a ni thei.
b. Bangalore pawna mizo awmte pawh Non-Resident member an ni thei ang.

ii. Membership fee/Annual fee:

a. Kum 12 chin chung lamin membership fee a pe ang.
b. Membership fee chu Rs.10/-(cheng sawm )a ni ang.
c. Membership fee bakah hian Annual fee Rs.10/-(cheng sawm) a awm ang.
d. Member thar chuan membership fee leh Annual fee a pe kawp ang.
B. KUM 2001-2002 CHHUNGA BMA HRUAITUTE

Office Bearers:
President                  :   Lalrokhuma Pachuau IPS
Vice President          :   Rev. Samuel Lalremsanga
Gen. Secretary         :   Rev. Samuel Lalremsanga
Asst. Secretary        :    Tv. Duhsanga Jongte

Treasurer                 :    Nl.Hmingthantluangi
Financial secretary   :    Nl. Lydia Malsawmtluangi
Cultural Secretary    :   Tv. Henry Lalhmingthanga
Sports Secretary      :   Tv. Joseph Lalrinmawia

COMMITTEE MEMBERS:                            SENIOR ADVISOR

Rev. K.Lalrinmawia                                             Pu Rinsanga IAS

Rev. Vanlalchhawna Khiangte                             Pu B.Kapthuama,IAS(Retd)

Tv. Vankhawpuimawia                                         Dr.Lalrinawmi Ralte

Tv. A. Vanlaldinpuia                                             Dr. Lalsangkima Pachuau

Tv. Jeremy Malsawmsanga                                    Rev. K. Sapthanga

Nl.Rebecca VLTMuanpuii                                    PATRON:

Tv. Kevin Amaging Grace                                     Pu H.T.Sangliana

Tv.C.Laldawngliana

Tv. Henry Lalhmingthanga

C. BMA MEMBER TE HNENA NGENNA

     BMA in bangalore a Mizo zirlaite leh zirtur lo kalte a hnuaia thil hi ngun taka chhiara zawm a,tihlawhtling ngei turin beisei a ni.

i.          College/school Admission chung chang: Zirlai admission zawng apiang ten chhungkua emaw,mimal emaw admission buaipuitute vahvelna ilo sensote tum ngei tura beisei a ni.

ii.         Zirlaite holiday laia local guardian-te hnena an khawsakin chhungkaw      programme, privacy,children's education leh mess management te a khawihbuai thei a ni tih hre rengin thiam taka khawsa tura beisei an ni.

iii.         Zirlaiten an guardian-te hnena an awmin ei leh in man hotela an sen ang hu vek pe thei sea lawmawm hle ang.Hei hian nasa takin chhungkaw khawsak a tanpui thin,innelna tha zawk a siam thei ang.

iv.          Hostel-a awm ten chawlh hlek a pianga riah chhuah leh in hruai chhuah beisei lo se, guardian-te tibuai lutuk lo zawnga awm a tha.Dam loh thilah pawh enkawltute leh    buaipuitute senso tum sak thei sela a duhawm.

v.           Guardian leh Hostel warden-te hriat lohvin zirlai tumah riah chhuah tur a ni lo.  Rokhawlhna thilah mahni guardiante in ni lovah riahchhuah a tul pawhin mahni guardiante hriattir hmasak zel tur.

vi.          single student te hi zirlai ve bawk an nih avangin a theih hram chuan guardian a hman loh   ni se.

vii.         Zirlai tupawh single students inluaha awmte tlawh changin zirlai ve bawk an nih hre rengin rei tak len chilh lova,ei lehin a tih hautak loh hram nise. Harsatna,damlohna thil ni lovah phei chuan riahchilh loh tur a ni.

viii.        Hostel-a awm ten hostel warden phalna la hmasa lovin mikhual thlen loh tur a ni.Kan       unau te ngei pawh ni sela, mipa leh hmeichhia inthlen pawlh loh tur a ni.

ix.           Zirlai ten tih tur tibahlah lo zawnga hun hman tur a ni.Entirnan: club,party,bar etc., a kalte in sum a tha.A zirlai aia thil dang ngai pawimawh mi chu a inchhir thin.

x.            Hnam dang kan kawmin mahni leh midangte timualpho thei leh harsatna siam zawnga    khawsak loh tur a ni.

xi.     Thawmhnaw leh incheina lamah in uluk ila.Midang in an neih avanga lo neih tum ve zel   hi a dik ber a ni lem lo.Incheinaah pawh alepler zawnga inbel chin loh tum ila.A hun leh hmun a zira inchei dan tur thliar hran a tha hle.

xii.     Mizo hming thil tihhona kan telna tur chiah chuan tel ve zel tum ila.Tlawmngaih a tul        pawhin theih tawp chhuah tum theuh ila.Kan society-ah tlangnel taka khawsak tlan i tum theuh ang u.

D.    THURAWN PAWIMAWH

i.        Englaipawhin kan kalna apiangah Identity Card emaw.driving licence emaw keng zel ang che.

ii.       Pocket note bu te takte nei la, tah chuan telephone number pawimawh zual leh I     chhungte/local guardian te address leh phone ziak la,emergency atan i Blood Group ziak bawk ang che.

iii.      Auto Rickshaw a i chuanin, i chuanna Auto Number chhinchhiah ziah thin la,thil theihnghilh i  neih palh pawhin chhui a awlsam ang.

E.   COLLEGE ADMISSION A TANA THIL TULTE

i.      Original Marks Sheet(HSLC and above)

ii.     Migration,Transfer and Provisional Certificates

iii.    Passed Certificate from the school or Institution last attended

iv.    Elligibility Certificate to be applied and obtained from Bangalore University Administration Building,Near Central College.

v.    Passport Size photographs(5 copies).

vi.    Caste Certificate.

[DR.AIT BANGALORE-56,MIZO ZIRLAI PAWL]