BANGALORE MIZO ASSOCIATION CHUNG CHANG

BANGALORE MIZO ASSOCIATION(BMA)

BMA KAIHHNAWIH

Thil pawimawhte

BMA hi kum 1984 atang khan vawiin ni thlengin tluang takin a la kal chho ve bek bek zel a,harsatna em em hranpa tawk lovin Pathian hruaina a zarah inlungrual takin kan la kal thei zel ni chuan kan hria a. Hruaitute thawhrimna hlu tak mai chuan tun hun ni min la thlen a ni.

A lo din tirh atangin mizoram tan,thu leh hla lamah a theih tawp a chhuah nghal a,a din kum leh 1985 ah chuan magazine ti chhuak nghalin, a hmingah 'Chhinlung' tih a ni a. Chu chuan zofate hmun hrang hranga awm tan thu leh hla min ti sawt thei chi chhuahin thu thlurbing pawh a khawih tel nghala.He thu thlurbing hian zofate kawng hrang hranga kan hmasawnna tur leh,inpumkhatna tur te a ngaihtuahin.Mizoram tan thlirna zau tak a buatsaih thin a ni.Tun thlengin he thu thlurbing hi la telh chhoh zel a ni a. A chhiartu te lam atang pawhin an hlawk pui zia thu dawn a ni thin. Chu mai ni lovin mizoram magazine tha ber a tan thlan te pawh a lo ni tawh bawk a ni.

Mizofate hi hmun hrang hrangah then darhin kan awm a; a then bangladesh, a then myanmar, chutiangin India ram chhung ngei ngeiah pawh state hrang hrangah dah darhin kan awm bawk,Manipur,Tripura, Assam leh Mizoramah te then sawmin kan awm hian rilru a tinain, chumi piah lamah kan rilru indah hranna lo awm thin hi.Pumkhata siam a, rilru dik lo tak hi siam tha leh turin BMA hian theih tawp a chhuah thin a, chu chu tunlai huna kan zofate inpumkhat lehna tura kan mamawh chu a ni.

BMA-ah hian mizofa tupawh mai hi kan leng vek a ni tih hriain kan tih tur a ruat chu tih tum zel ila Bangalore a awm Mizo i nih chuan A chak leh chak loh vah mawhphurhna ka nei ve a ni tih i hre thar leh ang u. Hruaitu te tih turah dah mai lovin , BMA kaihhnawih a nih chuan ka tih tur a ni ve tho a ni tih hi rilru taka kan hriat a pawimawh a ni.